A cunfraternita, dapoi a so criazioni, hè liata à un Associu : Mimoria Viva. Una struttura ùn pò asista senza l'altra è ci parmettani, insemi, di custruì un almanaccu sacru è prufanu ogni annu dapoi u 2004 ind'è u Paesi di I Peri è al di là, di a Gravona.

​

Ogni parsoni hà a pussibilità di participà à a nostra azzioni par via di u so impegnu, chì pò essa fìsicu : purtà i toddi, metta in piazza l'avvenimenti, aiutà a ghjenti in ghjinirali, ecc. ò allora intillituali : crià un "scontru" annant'à un sughjettu culturali ò puliticu, dà di u so tempu pà ammintà un'azzioni di salvezza patrimuniali, ecc. Mà dinò icunomicu, di dui maneri : i doni è l'adiranza. Senza maì essa in cori di i nostri vulintà, issi duii maneri fermani a maiora parta di i fundi chì ci parmettani di crià à filu d'annu tutt'i ghjorni di festi è tutti l'avvenimenti culturali.

​

Dapoi u principiu di u nostru associu, i soldi uttinuti ani parmessu parechji azzioni : risturazioni di statuli, di u matiriali di a nostra ghjesgia, di a pianedda in mimoria di i morti di u 14, a mess'in piazza d'un chjassu di a Puisia, aiuti alimintarii pà causi umanitarii ò contr'à a puvartà, ecc.

​

Pà tutt'issi raghjoni, aveti a pussibilità di fà un donu litrònicu direttamenti annant'à issu situ. Issi fondi sarani par noi a pussibilità di mantena sta piattaforma di spartera attiva, mà dinò di pudè cuntinuà a nostra azzioni di salvezza è d'arricchera di u patrimoniu culturali è cultuali di i nostri lochi.

​

S'è vo' vuleti cunnoscia Mimoria viva appena di più, ò impignavvi ind'è u nostru associu, vi prupunimi di ritruvà i nostri reti suciali quì :

​

​

​

​

​

​

​

​

​